اے امام ، اے راہبر، اے مرد حر
اے امید، اے آرزو، اے باعثِ تسکین دل
تو کہ ہے گویا خدا کی سخت محکم ریسمان
اے عظیم، اے دوربیں، اے نرم دل
تو کہ اپنے عہد کا عیسی بھی ہے، موسی بھی ہے
خود اجالا، خود اجالوں کا پیمبر بھی ہے تو
تو کہ ابراہیم و اسماعیل بھی اس دور کا
تو غلاموں کے لئے امیدِ پیغامِ نجات
اے کہ تیرے ہاتھ میں دائم عصائے موسوی
اے کہ تو عیسی نفس
اے کہ تیری بات درس مصطفی کی پاسدار و پاسباں
اے کہ تیرے کام امید و رجاء کی داستاں
تیرے سر پر سایہ پیغمبراں
تیرے ہونٹوں پہ ہمیشہ اولیاء کے تذکرے
تو نے مُردوں کو دیا احساسِ تجدیدِ حیات
جان بلب پیاسوں کو تو نے کردیا سیرابِ عشق
تو نے لاغر جسم میں ملت کے پھونکی روحِ نو
تو نے گہری نیند سے بیدار بھی ہم کو کیا
تیرے تا بڑ توڑ حملوں نے نگوں سر کردیا اصنامِ کفر و کبر کو
اے کہ تیرے نام سے سب بتکدوں میں مچ گیا کہرام سا
اے کہ ہے تو دشمنانِ دینِ غالب کے لئے پیغام موت
اور رفیقوں کے لئے لطف و کرم کی اک حسیں تصویر تو
ہے صاحبِ تدبیر تو
تیرے دستِ بت شکن نے قصر شاہی کی فیصلوں میں
دراڑیں ڈال دیں
تیرا دستِ مہرباں محروم لوگوں کے لئے بنتا گیا اک سائباں
تیری چوکھٹ پر ذلیل و خوار ہوکر رہ گئے تیرے عدد
تو نے قرآن کا علم تھا ما تو سب تیرے جلو میں آگئے
تو نے دشمنوں کی صفیں زیر و زبر کردیں تمام
اے کہ تیری اک نگاہ لطف نے روحوں کو بنیا کردیا
اے کہ تیری اک نگاہ غیض نے دشمن کو اندھا کردیا
اے کہ تو خورشید بن کر اس جہانِ تیرہ شب میں جگمگانے
لگ گیا
تیرگی کے سحر میں بھی جل اٹھا ترا دیا
اے کہ تیرے اک وضو سے دھل گیا اپنا بدن
اپنی روحیں تیرے سجدوں سے منور ہوگئیں
اے امید و آرزو مسلمین
اے حکیم اے حامی مستضعفین