غم دل تجھ کو سناتاہوں کہ غم خوار ہے تو
غم ہو، شادی ہو کہ اندوہ و الم ، یار ہے تو
میرا محبوب ہے کوئی تو گل رخ تیرا
جلوہ رخ مجھ دکھلا، مرا غم خوار ہے تو
چشم بیمار نے تیری مجھے بیمار کیا
آ ان آنکھوں میں ، مسیحائے دل زار ہے تو
کون محرم ہے جو مرہم مرے دل پر رکھے
ایک تو ہے کہ مرا محرم اسرار ہے تو
پاس کس کے ترے غمزے کی شکایت لے جاؤں
کس سے بتلاؤں کہ سرچشمہ آزار ہے تو
کھول دے پیچ و خم زلف کو، دست افشاں ہو
بہ خدا یار ہے تو، یار ہے تو، یار ہے تو