سوئے منزل حق رواں بهی رہا ہے
وہ مرد مجاہد جہاں بهی رہا ہے
عیاں کب ہوئی اس کے قدموں سے لغزش
یقینا وہ کوہ گراں بهی رہا ہے
زمانے نے دیکها بہ شکل خمینیؒ
زمیں پر کوئی آسماں بہی رہا ہے
شریعت کا پیغام سب کو سنایا
سیاست کا وہ نکتہ داں بهی رہا ہے
نگاہوں میں تهے اس کے دنیا بهی دین بهی
وہ دانائے راز نہاں بهی رہا ہے
کرے گی اسے یاد دنیائے اسلام
کوئی رہبر کارواں بهی رہا ہے
نہ کیوں تهرتهرا اٹهے سلمان رشدی
کوئی قہر کا آسماں بہی رہا ہے
فسادات میرٹه پہ چپ رہ نہ پایا
وہ مظلوموں کا ہم زباں بهی رہا ہے
تنویر سامانی - ہندوستان