مژدہ دیدار
دیوان امام خمینی (رح)
باد بہار مژدہ دیدار لائی ہے
کیا مقدم بہار میں جاں دے کے آئی ہے
دل کو نوید سر و قد گلعذار ہے
بلبل کی شاخ سرو سے آواز آئی ہے
پیمانہ دست ناز سے ساقی نے جب دیا
راحت ذرا مرے دل سوزاں نے پائی ہے
جاں دے دے اختیار بت مے گسار میں
غمگیں کا باغ عشق میں آنا برائی ہے
شیریں زباں مری گل بے خار بوستاں
خسرو کو ساغر مئے غم دے کے آئی ہے
بہر جمال دوست دل جاں گداز نے
لاکھوں ہی سردیے ہیں ، نہ اک جان گنوائی ہے