غمِ مرگِ امامِ با شہامت / پیام صد ہزاراں درد و حسرت
یه سچ ہے، مرگ عالمِ مرگِ عالمَ / قیامت سے ہوئے پہلے قیامت
وہ ماهِ آسمانِ زہد و تقوی / گلِ گلزارِ رنگینِ سیادت
چراغِ مسجد و محراب و منبر / پرِ پروانۀ شمعِ رسالت
وہ مومن پاک طینت، پاک سیرت / وہ سید، خضرِ دُنیائے شرافت
وہ شرک و کفر کا مدِ مقابل / وہ خدمت گارِ ایمان و شریعت
سراپا خدمت و طاقت سراسر / کہ اس پر ناز کرتی ہے قیادت
خمینی وہ زعیمِ ملکِ ایراں / امامِ انقلاب و روحِ وحدت
مسلماں سربلند و سُرخرو تھے / کہ وہ تھا رُوحِ دیں رُوحِ سیاست
ہوئی ہے ساری اُمت خاک بر سر / کہ وہ تھا خاک برپا بہرِ اُمت
وہ زندہ ہے کہ اُس نے زندہ کی ہے / وطن میں اپنے جمہوی روایت
ہے پاکستان بھی اس درود و غم میں / شریک و سوگوار از روئے وحدت
جو پُوچھا ہاتفِ غیبی سے میں نے / بتا تاریخِ مرگِ میرِ اُمت
تو بو لا شادِ غمگین سال رحلت / "هو المغفور" لکھ دو روئے تربت
1368 شمسی