اے کاش یار درد کی میری دوا کرے
ممکن نہیں جو چشم عنایت، جفا کرے
جلوہ صفا کا آیا نہ صوفی کو جب نظر
ساغر اٹھالیا ہے کہ حاصل صفا کرے
اک درد بے وفائی دلبر کا ہے ہمیں
ساغر اٹھا کہ اب یہی ساغر وفا کرے
نا آشنا وہ ہو گیا، دے جرعہ شراب
شاید کہ یار غمزدہ کو آشنا کرے
نکلا ہوں سوئے خانہ دلدار بے کہے
ڈرہے نہ محتسب کوئی فتنہ بپا کرے
محفل میں آگیا ہے مری یار گلعذار
مطلب ہے کشف حال دل پارسا کرے
ٹکرادے شیخ شہر سے سر زلف کھول کر
مت چھوڑ نا کہ محفل مے میں ریا کرے