صہیونی باشندوں نے ایک مرتبہ مسجد اقصی کی توہین کی
المسیرہ چینل کی رپورٹ کے مطابق آج بدھ کے روز صہیونی فوج کی مدد سے درجنوں صہیونی آبادکار مسجد اقصیٰ میں داخل ہوئے،فلسطینی ذرائع نے بتایا ہے کہ 73 صہیونی آباد کار باب المغاربه کے راستے مسجد اقصیٰ میں داخل ہوئے اوراس مقدس مقام کے صحنوں میں گھومتے تھے نیز اشتعال انگیز حرکتیں کیں ۔
واضح رہے کہ صہیونی ملیشیا نے فلسطینی نمازیوں کے داخلے کو روکنے کے لئے القدس اور مسجد اقصیٰ کے باب العامود ، باب الساھرہ کےپرانے حصے کے داخلی راستے نیز مسجد اقصیٰ کے دیگر دروازےبند کردیئے ،اس کے علاوہ صیہونی فوج نے فلسطینیوں کی سخت تلاشی بھی لی۔
واضح رہے کہ ادھر 48 سرزمین ، مغربی کنارے اور یروشلم کی جانب سے مسجد اقصیٰ میں جمع ہونےاور اس مقدس مقام کے خلاف صیہونیوں کی جارحیت اور اشتعال انگیز کارائیوں کو روکنے کے لیے متعد اپیلیں کی جارہی ہیں۔
یاد رہے کہ فلسطینیوں کی جانب سے کی جانے والی ان درخواستوں کا مقصد صہیونی آباد کاروں کی سازشوں کو کچلنا ہے۔
واضح رہے کہ فلسطینی مزاحمتی تحریک کے ہاتھوں حالیہ بارہ روزہ جنگ میں صیہونیوں کو زلت آمیز شکست کا سامنا کرنا پڑا جس کی وجہ سے عالمی سطح پر صیہونی کی ساکھ پہلے سے کہیں زیادہ خراب ہو گئی،اس صیہونی اپنی اس ساکھ کو بحال کرنے کے متعدد اشتعال انگیز کاروائیاں کر رہے ہیں تاکہ مزاحمتی تحریک کے جذبات سے کھیلا جائے اور ایک نئی جنگ کا باب کھولا جائے جو ان کی بھول ہے کیونکہ یہ مزاحمتی تحریک ہی تھی جس نے اپنی تمام شرطین منوا کر صیہونی حکومت کو جنگ بندی پر مجبور کیا۔
یاد رہے کہ اسلامی انقلاب کی کامیابی کے بعد اور اس سے قبل بھی امام خمینی (رہ) عالم اسلام کو اس طرف متوجہ کرتے رہے کہ اسرائیل کینسر کا غدہ ہے جس سے صرف فلسطین کو نہیں بلکہ اسلام اور پورے عالم اسلام کو خطرہ ہے اور اسرائیل کبھی بھی اپنی سرحدوں کا پابند نہیں رہے گا امام کی یہ پیشنگوئی آج ثابت ہو رہی ہے اس وقت اسرائیل تمام عرب ممالک کو اپنے ہاتھوں میں لینا چاہتا ہے اور ان پر مکمل اختیار حاصل کرنا چاہتا ہے واضح رہے کہ ایک طرف اسرائیل ہر روز مسلمانوں کے مقدسات کی توہین کر رہا ہے جب کے دوسری طرف عرب ممالک اسرائیل کے ساتھ سفارتی تعلقات قائم کر رہے ہیں۔