ایرانی قوم بائیس بہمن کی ریلیوں میں بھر پورشرکت کرکے دشمن کو مایوس کرے گی: رہبر انقلاب اسلامی
رہبر انقلاب اسلامی آیت اللہ العظمی سید علی خامنہ ای نے انقلاب اسلامی ایران کی سینتالیسویں ویں سالگرہ کے موقع پر ایرانی عوام کے نام ایک ویڈیو پیغام جاری کرتے ہوئے فرمایا کہ ایرانی قوم بائیس بہمن کی ریلیوں میں بھر پورشرکت کرکے دشمن کو مایوس کرے گی۔
رہبرانقلاب اسلامی نے فرمایا کہ ایرانی قوم اپنے موقف پر ڈٹی ہوئی ہے اوراس مزاحمت و استقامت کا مظہر بائیس بہمن ہے۔ انہوں نے فرمایا کہ بائیس بہمن کی ریلیاں دنیا بھرمیں منفرد ہیں۔
آیت اللہ العظمی سید علی خامنہ ای نے فرمایا کہ ہم نے دنیا میں کہیں نہیں دیکھا کہ کئی سالوں کے بعد بھی ہر سال ملک کے یوم آزادی اور قومی دن پراتنے بڑے پیمانے پرریلیاں نکالی جا رہی ہوں۔
آپ نے فرمایا کہ پہلی بار جب بائیس بہمن کا واقعہ رونما ہوا تو ایرانی عوام نے ایک عظیم فتح حاصل کی، خود کو اور اپنے ملک کو غیرملکی مداخلت سے بچا لیا اور بیرونی طاقتوں نے ان تمام برسوں کے دوران حالات کو ماضی کی جانب لوٹانے کی بھر پورکوششیں کیں۔
رہبرانقلاب اسلامی نے فرمایا کہ دشمن کی مایوسی آپ کے اتحاد، آپ کی سوچ، قوت ارادی اور دشمن کے فتنوں کے خلاف آپ کی مزاحمت کی وجہ سے ہے ۔
آیت اللہ العظمی سید علی خامنہ ای نے فرمایا کہ قومی طاقت کا تعلق میزائلوں اور طیاروں سے کہیں زیادہ، قوموں کے عزم و ارادے اور ان کی استقامت سے ہوتا ہے۔ انہوں نے فرمایا کہ جب تک دشمن مایوس نہیں ہوگا اس وقت تک دشمن قوموں کو ہراساں کرنا بند نہیں کریں گے۔