محکم عزم ہے عالی ہمت / لائقِ حرمت، قابلِ عزت
حُسنِ بیاں ہے دلکش و رنگیں / لطفِ زباں ہے شہدِ حلاوت
سچے موتی حق کی باتیں / ہیں اُن کے اقوالِ صداقت
کیا ہے کلامِ دلکش اُن کا / سارا ہے پیغامِ اخوت
پاکیزہ کردار تھا ان کا / وہ تھے عاملِ دین و شریعت
مسلک اُن کا پیار ہر اک سے / اور شیوہ انساں سے محبت
اُن کی متاع، متاعِ نیاکاں / اُن کی دولت علم کی دولت
پگھلا دی زنجیرِ تظلم / اتنی تھی ایماں کی حرارت
ہیں در اصل امام ِ خمینی / دَورِ نو میں حق کی آیت
وہ تھے چراغِ علم عظیمی / اور اک شمعِ نورِ ہدایت