ارنا - عرب دنیا کے ممتاز سیاسی مبصر اور کالم نویس عبدالباری عطوان نے روزنامہ رای الیوم میں اپنے تازہ کالم میں لکھا ہے کہ امریکی صدر ڈونلڈ ٹرمپ، آبنائے ہرمز میں ایرانی مراکز اور ایران کے اندر بمباری کی دھمکیوں سے پیچھے ہٹ گئے اور پیر کے دن اردن اور کویت میں تین امریکی اڈوں پر حملوں پر اپنے ردعمل میں کہا ہے کہ ہم ایران کے ان حملوں کے جواب میں اس پر سخت وار لگائيں گۓ۔
عطوان نے اپنے کالم میں لکھا ہے کہ یہ بات قابل توجہ ہے کہ آبنائے ہرمز کے قریب جزیرہ لارک پر امریکی جارحیت کے بعد، چند گھنٹے کے اندر ایران نے اس کے جواب میں میزائل اور ڈرون حملے کئے ہیں۔ عطوان نے لکھا ہے کہ ٹرمپ کو جھوٹ بولنے کا نوبل انعام ملنا چاہئے۔ انھوں نے بارہا آبنائے ہرمز پر کنٹرول کا دعویٰ کیا اور آبنائے ہرمز کو امریکی قلمرو کا حصہ قرار دیا اور ایران کو صفحہ ہستی سے مٹادینے کی دھمکی دی ۔
عبدالباری عطوان نے لکھا ہے کہ ٹرمپ کا آخری دعویٰ یہ ہے کہ ایران شکست خوردہ اور مردہ ملک ہے،اس کی بحریہ ختم ہوچکی ہے، فضائیہ ختم ہوچکی ہے اوراس کے پاس فوجیوں کی تنخواہ دینے کا پیسہ بھی نہیں ہے۔
وہ لکھتے ہیں کہ " ہم سمجھ سکتے ہیں کہ ایران کو شکست خوردہ اور مردہ ملک کیسے کہا جاسکتا ہے؟ جبکہ سات مہینے سے اس نے جنگ کا سامنا کیا ہے اور ٹرمپ اور اس کے اتحادی نتن یاہو کو اپنے اہداف میں شکست ہوئی ہے۔"
انھوں نے لکھا ہے کہ کیا ایک شکست خوردہ ملک، امریکی جارحیت کے جواب میں چند گھنٹے ميں میزائل اور ڈرون حملہ کرسکتا ہے؟
عطوان نے لکھا ہے کہ سپاہ پاسداران نے ٹرمپ کی دھمکیوں کا جواب دیا،ان کا جھوٹ برملا کردیا اوراعلان کیا ہے کہ ہر امریکی جارحیت پر دس گنا شدید تر جواب دیا جائے گا۔
روزنامہ رای الیوم کے چیف ایڈیٹر نے اپنے کالم میں لکھا ہے کہ ماضی کے تجربات سے یہ بات ثابت ہوچکی ہے کہ امریکا اور اسرائیل اپنے جانی اور مالی نقصانات کی صحیح اطلاع کبھی نہیں دیتے۔
عبدالباری عطوان نے اپنے کالم میں لکھا ہے کہ بارہ روزہ جنگ میں ایرانی میزائلوں نے، تل ابیب، حیفا، بیئرالسبع اور ڈیمونا سمیت کئی اسرائیلی شہر تباہ کردیئے۔ اسرائیلی حکام نے ان نقصانات کی فلم بنانے اور تصویر لینے پر پابندی لگادی اور امریکی حکام نے بھی خطے میں اپنے فوجی اڈوں کے سلسلے میں اسی پالیسی پر عمل کیا۔
اس ممتاز عرب مبصر اور کالم نویس نے لکھا ہے کہ آبنائے ہرمز امریکا کے لئے قبرستان بن جائے گا جس طرح 1956 میں نہرسوئزبرطانوی اور اور فرانسیسی سلطنتوں کے لئے قبرستان بن گئی تھی، اسی طرح آبنائے ہرمز امریکا کے لئے قبرستان بن جائے گی ۔