کوئی عالم نہیں آقائے خمینی جیسا / ان کا کردار ہے آقائے کلینی جیسا
حق پہ ہے ان کا یقیں شاید عیسی جیسا / قول اور فعل ہے اصحابِ حسینی جیسا
فکر ہے اپنی نہ آبادی نہ بربادی کی
فکر گرہے تو فقط قوم کی آزادی کی
ان کا ہر ایک عمل تابع مرضی امام / ان کے افکار سے بے دین ہیں لرزہ اندام
مردِ آہن ہیں خمینی نہیں کچھ اس میں کلام / ان کی ہلکار سے بے چین ہے اب تک صدام
دین اسلام کی تجدید کی تمہید ہیں یہ
اہل ایماں کے لئے مرجعِ تقلید ہیں یہ
قومِ خوابیدہ کو غفلت سے جگایا اس نے / تاجِ شاہی کو نگاہوں سے گرایا اس نے
حق پہ جاں دینے کا نداز سکھایا اس نے / زندگی کیا ہے حقیقت میں بتایا اس نے
ہر نئے موڑ پہ اس شان سے قربانی دی
جس نے کملائے ہوئے ذہنوں کو تابانی دی
مشعل راہ کیا شمعِ حق آگا ہی کو / دین کا دس دیا حلقہ گمراہی کو
اور کچھ تیز کیا ذوقِ خدا خواہی کو / توڑ کر پھینک دیا تاجِ شہنشاہی کو
قوم کے ٹوٹے ہوئے ہاتھوں کو قوت بخشی
ظلم سے لڑنے کی مظلوم کو ہمت بخشی
اپنی تقدیر یہ ایران کی زمین اترائی / فتح کی چاروں طرف بجنے لگی شہنائی
حق کے اترے ہوئے چہری پہ بشاشت آئی / شاد اسلام ہوا دین نے لی انگڑائی
فرش سے عرش پہ آوازِ اذاں جانے لگی
عدل و انصاف کی عالم پہ گھٹا چھانے لگی
فتح ہی فتح کے آثار ہیں اب شام و سحر / اپنی ہی آگ میں جل جائیں گے سب بانی شر
جلد ہی عہدِ مسرت کی سحر ہوگی قمر / بہرہ ور ہونے کو ہے خیر سے الفت کا شجر
پھر نہ کہنے کو کوئی اپنا پرایا ہوگا
ہر طرف پرچم اسلام کا سایہ ہوگا