وہ گل گلزار ایراں، ناز بستان عجم
مہر تابان عجم، شــان عجم، جان عجم
نشہء باطل سے جب بگڑا مزاج پہلوی
کردیا ٹهوکر سے اس نے چور تاج پہلوی
پهر ہوئے رنگین دشت وکوہ خون ناب سے
سر زمین حضرت سلمان جاگی خواب سے
وادی قم سے اٹها وہ رہنمائے زندگی
جاگ اٹها سارا جہاں گونجی نوائے زندگی
وہ فقیہ بے بدل زاہد مجاہد سر فروش
موج زن سینے میں اس کے دین کا جوش وخروش
پرتو نور یقیں چہرے کی تابانی میں تها
جلوہء علم وعمل ضو بار پیشانی میں تها
سید و سردار وہ سرخیل ارباب ہم
عزم محکم اس کا لشکر، حرف حق اس کا علم
سایہء لطف خدا اس کے مزار پاک پر
سو رہا ہے جس میں وہ یوسف سلام اس خاک پر
یوسف سلام ـ ہندوستان