اسلامی حکومت اور دوسری حکومتوں کے مابین ایک فرق یہ بھی ہے کہ اسلامی حکومت میں محبت اور ایثار کا ماحول پایا جاتا ہے اسلامی حکومت میں دنیاوی اعتبار سے ملک کے صدر اور ایک چھوٹے سے شہری میں کوئی فرق نہیں ہوتا جس طرح رسول خدا صلی اللہ علیہ و آلہ و سلم اور امیر المومنین حضرت علی علیہ السلام نے اپنی حکومت کے دوران اپنے اور عام آدمی کے درمیان کوئی فرق نہیں سمجھا تھا اور ایک عام آدمی کی طرح زندگی بسر کر کے تاریخ میں ایک مثال قایم کی ہے ایسا باکل نہیں تھا کہ اب جب رسول خدا صلی اللہ علیہ و آلہ وسلم امت کے سربراہ بن گئے ہیں تو وہ ان پر حکومت کریں اور دوسرے حکام کی طرح ان پر حاکمیت کریں بلکہ آپ ہمیشہ مسجد میں تشریف لاتے تھے اور لوگوں کے درمیان بیٹھ کر ان کی مشکلات کو سنتے تھے ان کے مسائل کو حل کرتے تھے اور اس طرح لوگوں کے درمیان میں بیٹھتے تھے کہ اگر کوئی اجنبی مسجد میں داخل ہوتا تھا تو اس کے لئے یہ پہچاننا کافی سخت ہوجا تھا کہ ان میں سے کون پیغمبر ہے۔
مزید