اسلامی انقلاب کے بانی امام خمینی رہ نے اہبے بیان میں کہا کہ مسلم دنیا کے عوام کو خود ظلم اور ناانصافی کے خلاف آواز بلند کرنی چاہیے، کیونکہ کئی حکومتیں عالمی طاقتوں کے دباؤ یا مفادات کے باعث مؤثر موقف اختیار نہیں کر پاتیں۔ ان کے مطابق حقیقی تبدیلی کے لیے عوامی بیداری اور اجتماعی اقدام بنیادی اہمیت رکھتے ہیں۔
امام خمینیؒ نے بیرونِ ملک مقیم ایرانی طلبہ اور نوجوانوں کی مزاحمت کو مثال بناتے ہوئے کہا کہ ان نوجوانوں نے سخت دباؤ اور تشدد کے باوجود اپنے مؤقف سے دستبرداری اختیار نہیں کی۔ انہوں نے کہا کہ مسلمان نوجوانوں کو ان واقعات سے سبق حاصل کرنا چاہیے اور یہ سمجھنا چاہیے کہ ظلم کے خلاف پُرامن اجتماعی جدوجہد کس طرح مؤثر کردار ادا کر سکتی ہے۔
انہوں نے واضح کیا کہ انہیں بہت سی حکومتوں سے زیادہ امید نہیں، تاہم عوام کو تبدیلی کا اصل ذریعہ قرار دیتے ہوئے کہا کہ قومیں اپنے اجتماعی شعور اور عمل کے ذریعے حالات بدل سکتی ہیں۔ امام خمینیؒ نے مسلم عوام پر زور دیا کہ وہ اسلامی تعلیمات کی روشنی میں ظلم، جبر اور ناانصافی کے خلاف اپنی ذمہ داری کو پہچانیں اور مظلوموں کی حمایت کے لیے عملی کردار ادا کریں۔