سپاہِ پاسدارانِ انقلابِ اسلامی ایران کے مقبوضہ علاقوں پر حملے کے بعد رہبرِ معظمِ انقلابِ اسلامی حضرت آیت اللہ سید مجتبیٰ خامنہ ای کے میڈیا دفتر کی جانب سے، ایک پوسٹر جاری کیا گیا ہے کہ متزلزل صہیونی حکومت آخری سانسیں لے رہی ہے۔
اس پوسٹر کو رہبرِ معظمِ انقلابِ اسلامی حضرت آیت اللہ سید مجتبیٰ حسینی خامنہای کے میڈیا سے منسوب کیا گیا ہے۔
امریکی فوجی اڈوں اور اسرائیل پر حملہ ہمارا قانونی حق بن چکا ہے، ایران
اسلامی جمہوریہ ایران کی پارلیمنٹ کے اسپیکر محمد باقر قالیباف نے خبردار کیا ہے کہ امریکہ نے ایران کی سمندری ناکہ بندی جاری رکھ کر اور آج اسرائیل کی غاصب صیہونی رژیم کو لبنان کے دارالحکومت بیروت پر حملے کی سبز جھنڈی دکھا کر جنگ بندی توڑ دی ہے اور اب خطے میں تمام امریکی اڈوں سمیت اسرائیل پر حملہ ہمارا قانونی حق بن چکا ہے۔ انہوں نے سوشل میڈیا کی ویب سائٹ ایکس پر اپنے پیغام میں لکھا:
1۔ نہ تو جنگ بندی کی پابندی کرتے ہیں اور نہ ہی گفتگو پر یقین رکھتے ہیں، اور سمندری ناکہ بندی جاری رکھ کر لبنان کے بارے میں مفاہمت کی خلاف ورزی کر کے ثابت کر چکے ہیں کہ صرف طاقت کی زبان سمجھتے ہیں،
2۔ ملت ایران کے خلاف سمندری محاصرہ اور امریکہ کی جانب سے آج غاصب صیہونی رژیم کو سبز جھنڈی دکھائے جانے نے خطے میں امریکہ کے تمام فوجی اڈوں اور اسرائیل کو ہمارے قانونی اہداف میں تبدیل کر دیا ہے۔ ہماری مسلح افواج کے ہاتھ ہمیشہ کی طرح کھلے ہیں۔
دوسری طرف ایرانی پارلیمنٹ کے قومی سلامتی کمیشن کے ترجمان ابراہیم رضائی نے بھی ایکس پر اپنے پیغام میں لکھا ہے: "ضاحیہ پر غاصب صیہونی رژیم کی فوجی جارحیت کا دوٹوک اور دردناک جواب دیں گے۔ اس پاگل کتے کو کنٹرول کر کے اسے اس کی حیثیت سمجھانا ضروری ہے۔ آج رات مقبوضہ فلسطین کا آسمان قابل دید ہو گا۔" ہیکر گروپ حنظلہ نے بھی مقبوضہ فلسطین کے شمال میں بسنے والے صیہونی آبادکاروں کو وارننگ دی ہے کہ وہ فوراً وہ علاقہ خالی کر دیں۔ حنظلہ نے اپنے نئے پیغام میں اعلان کیا: "مقبوضہ فلسطین کے شمالی علاقوں میں موجود تمام صیہونیوں کو شدید وارننگ دیتے ہیں کہ اپنی جان بچانے کے لیے فوراً مقبوضہ گھروں سے نکل جائیں۔ تمام خفیہ ٹھکانوں کی شناخت ہو چکی ہے اور ان کی لوکیشن اسلامی مزاحمتی بلاک کے میزائل یونٹس کو فراہم کر دی گئی ہے اور بہت جلد انہیں بھاری میزائلوں سے نشانہ بنایا جائے گا۔"