موسسہ نشر آثار امام خمینی کے شعبہ بین لاقوامی نے اپنے ایک بیان میں لکھا ہیکہ امام خمینیؒ کے سیاسی افکار میں عوام کو بنیادی حیثیت حاصل ہے اور ان کے نزدیک حکومت کی تشکیل، اس کا تسلسل اور اس کی مشروعیت براہِ راست عوامی شرکت سے وابستہ ہے۔ ان کے نظریے میں عوام محض ایک سیاسی عنصر نہیں بلکہ ریاست اور انقلاب کے حقیقی مالک ہیں۔
امام خمینیؒ نے بارہا اپنے بیانات میں واضح کیا کہ عوام ہی ملک اور انقلاب کے اصل مالک ہیں۔ ان کے مشہور قول کے مطابق:“میزان، عوام کا ووٹ ہے۔
اس اصول سے واضح ہوتا ہے کہ ان کے نزدیک کسی بھی نظام کی مشروعیت عوامی رائے کے بغیر ممکن نہیں۔ ایک اور مقام پر انہوں نے فرمایا:یہ قوم ہی ہے جو اپنی تقدیر کا فیصلہ کرے گی۔
انقلاب سے قبل کی جدوجہد میں بھی امام خمینیؒ نے کامیابی کو عوامی حمایت سے مشروط قرار دیا اور کہا:قوم کے سہارے یہ تحریک کامیاب ہوگی۔انقلاب کے بعد بھی یہی فکر برقرار رہی اور انہوں نے حکمرانوں کو عوام سے دوری اختیار کرنے سے خبردار کیا۔ ان کے مطابق:عوام کی خدمت سب سے بڑی عبادت ہے، اور ذمہ دار افراد کو خود کو عوام کا خادم سمجھنا چاہیے۔
امام خمینیؒ کے مطابق اسلامی حکومت اسی وقت اسلامی رہ سکتی ہے جب وہ عوام پر اعتماد کرے۔ انہوں نے فرمایا اسلامی جمہوریہ عوام کے ووٹ پر قائم ہے۔”ان کے نظریے میں عوام محض سیاسی اکائی نہیں بلکہ ایک الٰہی اور بنیادی سماجی قوت ہیں، جن کے بغیر اسلامی معاشرہ قائم نہیں رہ سکتا۔ اس حوالے سے انہوں نے کہا:“اسلامی حکومت کا قیام عوام کی حمایت سے ہے، اور اگر عوام نہ ہوں تو حکومت باقی نہیں رہ سکتی۔”کتاب “ولایت فقیہ” میں بھی واضح کیا گیا ہے کہ ریاستی امور عوام کی رائے سے چلنے چاہییں، البتہ اسلامی قوانین کے دائرے میں:“ملک کا نظام عوام کی رائے اور ووٹ سے چلنا چاہیے، مگر شریعت کے دائرے میں۔
ان تمام نکات کی روشنی میں امام خمینیؒ کے سیاسی نظریے میں عوام کے تین بنیادی کردار سامنے آتے ہیں:نظام کی مشروعیت کا سرچشمہ حکومت کے محافظ اور پشت پناہ.ریاستی امور میں فعال شریک اس طرح امام خمینیؒ کا نظریہ سیاسی فکر “مذہبی جمہوریت اور عوامی شرکت” کا امتزاج پیش کرتا ہے، جسے انہوں نے ان الفاظ میں بیان کیا:اسلامی جمہوریہ، نہ ایک لفظ کم نہ ایک لفظ زیادہ۔