جماران کی رپورٹ کے مطابق؛ امام محمد باقر علیہ السلام کی شہادت کی سالگرہ اور امام خمینیؒ کی برسی کے موقع پر سید علی خمینی نے نهاد ریاستِ جمہوریہ کی دعوت پر اس ادارے کا دورہ کیا۔ اس ملاقات میں نهادِ ریاست جمہوریہ کے سربراہ، صدر کے معاونین اور دیگر ذمہ داران نے امام راحل کی یاد کو خراج عقیدت پیش کیا۔
سید علی خمینی نے اس ملاقات میں دینی حکومت اور مادی ترقی کی کوشش کے باہمی تعلق پر گفتگو کی۔
انہوں نے کہا کہ:
بعض افراد کے برخلاف تصور کے، عبادت صرف نماز اور روزہ تک محدود نہیں ہے؛ اسلامی روایات کے مطابق سب سے افضل عبادت، رزقِ حلال کے لیے کوشش کرنا ہے۔
انہوں نے امام باقر علیہ السلام کی ایک روایت پڑھتے ہوئے کہا:
امام باقر (ع) آخر عمر تک محنت و کوشش میں مصروف رہے۔ اہل بیت علیہم السلام کے نزدیک وہ شخص جو اپنا بوجھ دوسروں پر ڈال دے، ملعون ہے۔
لہٰذا ایک مسلمان کو چاہیے کہ اپنے معاشی معاملات میں خود کفیل ہو، جیسے کہ ایک اسلامی حکومت کو بھی مشرق یا مغرب پر انحصار نہیں کرنا چاہیے۔
ریاست کو چاہیے کہ وہ عوام کی اقتصادی ترقی کے لیے تمام تر کوششیں بروئے کار لائے۔
سید علی خمینی نے کہا:
اللہ کی نعمتوں میں سے ایک یہ ہے کہ وہ بندوں کی حاجات کو دوسرے بندوں کے ذریعے پورا کراتا ہے۔
لہٰذا ذمہ داری کو الہی نعمت سمجھیں اور اپنے دورِ خدمت کو آخرت کے لیے توشہ بنانے کی کوشش کریں۔
انہوں نے مزید کہا:
اگر آپ کے دور میں ملک کا نظامِ اداری اتنا بہتر ہو جائے کہ لوگ چار دن کا کام ایک دن میں کروا سکیں، تو جب تک یہ قانون اور اصلاح باقی رہے گی، خدا آپ کو اس کا اجر دیتا رہے گا۔
انہوں نے نعمتِ خدمت کے باقی رہنے کی شرط، ذمہ داری کی ادائیگی قرار دی اور کہا:
اگر آپ خدا کی عطا کردہ نعمت کی قدر کریں اور قوم کی حاجات پوری کرنے میں اپنی ذمہ داریاں ادا کریں تو یہ نعمت آپ کے لیے باقی رہے گی۔