در کھول! خم سے یار ذرا نوش جاں کرے
مستی میں اپنے راز دروں کو عیاں کرے
کہہ آؤ دوستوں سے، پہونچ جائیں میکدے
مستی کی یار خودہی بیاں داستاں کرے
پردہ ذرا اٹھا دل غمدیدہ سے کہ دوست
دامن پہ اپنے، اشک رواں کو رواں کرے
گل، بوستاں میں چہرے کو اپنے کرے عیاں
تا طیر قدس راز نہاں کوبیاں کرے
درویش بے نوا کو بھی اک جام لا کے دے
وہ بھی تو راز دل سر محفل عیاں کرے
بلبل چمن میں نالہ کرے مثل عاشقاں
یعنی بیاں مصیبت فصل خزاں کرے
جاؤ! کہ دردمند فراق رخ نگار
خود اپنے غم میں نالہ و آہ و فغاں کرے