جس سفر میں ارادہ تھا کہ نجف میں امام خمینی ؒ سے ملاقات کروں ، میں اسی سلسلے میں ایک دوست سے ملا۔ انہوں نے مجھ سے کہا کہ امام سے کہو کہ مجاہدین خلق کی جلد سے جلد حمایت وتائید کریں ، کیونکہ اس میں تاخیر ہوجائے گی تو ہم پیچھے رہ جائیں گے۔ میں نے امام ؒ کی خدمت میں یہ بات عرض کی۔ امام خمینی ؒ نے فرمایا: ’’بعض علماء ۔۔۔ اور مطہری نے بھی ان کے دفاع کے بارے میں کہا ہے۔ لیکن آپ لوگ اس بات کو سمجھ نہیں رہے ہیں ۔ انہوں نے تمہیں فریب دیا ہے۔ یہ لوگ ہمارے اسلام کے معتقد نہیں ہیں ۔ ملک سے باہر مقیم دوستوں نے بھی اس معاملے میں مجھ پہ دباؤ ڈالا ہے۔ لیکن ان کو بھی دھوکہ ہوا ہے‘‘۔