صدر ڈاکٹر حسن روحانی کا نجف اشرف میں حضرت امام خمینی (رہ) کے گھر کا دورہ
ابنا کی رپورٹ کے مطابق اسلامی جمہوریہ ایران کے صدر حسن روحانی عراق کے دورے پر نجف اشرف میں حضرت امام خمینی (رہ) کے گھر کا قریب سے مشاہدہ کیا۔ نجف اشرف میں حضرت امام خمینی (رہ) کا تاریخی گھر سخت اور دشوار ایام کی یاد دلاتا ہے۔
اسلامی جمہوریہ ایران کے صدر حسن روحانی عراق کے دورے پر مسجد کوفہ کا بھی دورہ کیا۔
صدر حسن روحانی کی آیت اللہ بشیر سے ملاقات
اسلامی جمہوریہ ایران کے صدر حسن روحانی نے عراق کے ایک دینی مرجع آیت اللہ بشیر سے ملاقات میں کہا ہے کہ ایران اور عراق کے حکام نے ایک دوسرے کے شہریوں کو مفت ویزا جاری کرنے پر اتفاق کرلیا ہے۔ صدر حسن روحانی نے اس ملاقات میں عراقی حکام سے مذاکرات کو کامیاب قراردیتے ہوئے کہا کہ ایران عراق کے ساتھ تمام شعبوں میں تعلقات کو فروغ دینے کا خواہاں ہیں۔ آیت اللہ بشیر نجفی نے کہا کہ ایران میں اسلامی حکومت کا قیام اللہ تعالی کی بہت بڑی نعمت ہے اور ایران کا عالمی سامراجی طاقتوں کے خلاف قیام آج امت مسلمہ اور خاص طور پر شیعوں کے لئے فخر کا باعث بنا ہوا ہے۔
صدر حسن روحانی کی آیت اللہ فیاض سے ملاقات
حوزہ علمیہ نجف اشرف کے ایک دینی مرجع آیت اللہ فیاض نے ایرانی صدر حسن روحانی سے ملاقات میں کہا ہے کہ آج عالم اسلام اور عالم تشیّع کی نگاہیں ایران پر لگی ہوئی ہیں۔ آیت اللہ محمد اسحاق فیاض نے اس ملاقات میں دنیا بھر کے مسلمانوں اور ایرانی قوم کی ترقی اور پیشرفت کے لئے دعا کی۔
انھوں نے کہا کہ ایرانی حکومت کی اساس در حقیقت حضرت علی (ع) کی حکومت کی اساسپر ہے اور یہی وجہ ہے تمام شیعہ اس حکومت کے لئے ہر قسم کی قربانی پیش کرنے کے لئے آمادہ ہیں۔ اس ملاقات میں ایرانی صدر نے کہا کہ دنیا کی تمام حکومتیں جانتی ہیں کہ ایران تمام مسلمانوں اور خاص طور پر شیعوں کے حقوق کا بھر پور دفاع کرتا ہے۔ صدر حسن روحانی نے اس ملاقات میں عراقی حکام کے ساتھ مذاکرات کو بھی کامیاب قراردیا۔
