سوال: تدفین کے مکروہات کیا ہیں؟
جواب: مکروہات چند چیزوں پر مشتمل ہیں:
اول : دومیتوں کو ایک قبر میں دفن کرنا ، جیسا کہ دونوں کو ایک تابوت میں رکھنا مکروہ ہے ۔
دوم : قبر کے اندر سیمنٹ اور ریت کا فرش بچھانا مگر یہ کہ زمین مرطوب ہو ، البتہ سیمنٹ اور رت کے فرش کے علاوہ مثلا پتھر وں یا اینٹوں کے فرش کا ہو نا محل تامل ہے ۔ اگرچہ میت کو مٹی کے فرش پر رکھنے کا مستحب ہو نا وجہ سے خالی نہیں ہے ۔
سوئم : باب کا بیٹے کی قبر میں داخل ہو ناکیونکہ اس کے جزع کرنے اور اس کے اجر کے ضایع ہو جانے کا خوف ہے ۔
چہارم : میت کے رشتہ دار وں کا اس پر مٹی ڈالنا ۔
پنجم :قبر کی مٹی کے علاوہ کسی اور مٹی سے قبر کو بند کرنا اور گارا ملنا ۔
ششم : قبر خراب ہو نے کے بعد از سر نو اسے بنانا سوائے انبیاء علیہم السلام و او صیاء صالحین اور علماء کی قبورکے ۔
ہفتم : قبر پر بیٹھنا ۔
ہشتم :قبرستان میں قضائے حاجت کرنا ۔
نہم : قبرستان میں ہنسنا ۔
دہم : قبر پر ٹیک لگانا ۔
یازدہم: بغیر مجبوری کے قبر پر چلنا ۔
دوازدہم : سطح زمین سے اسے کھلی ہوئی چار انگلیوں سے زیادہ اونچا بنانا ۔
تحریر الوسیلہ، ج 1، ص 81