اسلامی جمہوریہ پاکستان کی دفاعی افواج کے کمانڈر انچیف فیلڈ مارشل سید عاصم منیر نے اسلامی جمہوریہ ایران کے قائم مقام وزیر دفاع بریگیڈیئر جنرل سید مجید ابن الرضا سے ملاقات کے موقع پر اسلامی جمہوریہ ایران کی میزبانی پر شکریہ ادا کرتے ہوئے، انقلاب اسلامی کے رہبر معظم اور مسلح افواج کے کمانڈروں اور بے گناہ شہریوں کی شہادت پر ایران کی حکومت، قوم اور مسلح افواج کو تعزیت پیش کی اور ایرانی عوام سے ہمدردی کا اظہار کیا۔
انھوں نے اسلامی جمہوریہ ایران اور پاکستان کے درمیان گہرے تاریخی، تہذیبی اور برادرانہ تعلقات پر زور دیتے ہوئے کہا: حالیہ دہشت گردی کا اقدام پاکستان کے عوام کے لئے باعث تکلیف اور گہرے افسوس کا باعث بنا ہے اور یہ احساس صرف حکام تک محدود نہیں ہے، بلکہ پاکستان کی قوم بھی اس مصیبت میں ایرانی قوم کے ساتھ کھڑی ہے۔
پاکستانی دفاعی افواج کے کمانڈر انچیف نے اسلامی جمہوریہ ایران کے شہید وزیر دفاع کے دورہ اسلام آباد اور اس کے نتائج کا حوالہ دیتے ہوئے کہا کہ دونوں ممالک کے دفاعی اور فوجی تعاون کے رجحان بڑھ گیا ہے، باہمی تعاون کے عزم میں اضافہ ہو رہا ہے۔
انھوں نے مزید کیا: مختلف دفاعی شعبوں میں اسلام آباد اور تہران کا باہمی تعاون، ایک سازگار راستے پر گامزن ہے اور دونوں جانب کی مشترکہ خواہش کے ساتھ، یہ تعاون مضبوطی سے جاری رہے گا۔
چین کا ایران کے ساتھ تعلقات کو فروغ دینے کا عزم اور غیر متزلزل ہے، چین
آج ہفتہ (4 جولائی 2026ع) کو چین کی وزارت خارجہ کی ویب سائٹ پر جاری ایک بیان کے مطابق، چین کی نیشنل پیپلز کانگریس کی قائمہ کمیٹی کے نائب چیئرمین "ہی وی" جو تہران میں رہبر شہید حضرت آیت اللہ علی خامنہ ای کی سے وداعی تقریب میں چین کی نمائندگی کر رہے تھے، نے اس دورے کے موقع پر ایران کے صدر مسعود پزشکیان سے بھی ملاقات کی ہے۔
ہی وی نے اس ملاقات میں کہا: "ایران اور چین کے درمیان سفارتی تعلقات کے قیام کے 55 سالوں میں، چین اور ایران کے تعلقات ایک مستحکم اور صحت مند عمل سے گذرے ہیں۔"
انھوں نے کہا: "چین کا ایران کے ساتھ تعلقات کو فروغ دینے کا عزم غیر متزلزل ہے اور دو طرفہ تعلقات کا راستہ تبدیل نہیں ہوگا۔"
چینی عہدیدار نے مزید کہا: "بیجنگ تہران کے ساتھ تعاون میں دونوں ممالک کی جامع اسٹریٹجک شراکت داری کی پائیدار اور طویل مدتی ترقی کے عمل کو آگے بڑھانے کے لئے تیار ہے۔"
جمعہ کو ایران اور دیگر ممالک سے تعلق رکھنے والی سیاسی اور سماجی شخصیات نے مصلائے امام خمینی میں حضرت آیت اللہ العظمی امام شہید سید علی خامنہ ای کو خراج عقیدت پیش کیا۔
انقلاب کے شہید رہنما سے الوداعی عوامی مراسمات کا باضابطہ آغا آج (ہفتہ، 4 جولائی 2026ع) صبح 6 بجے مصلائے امام خمینی(رح) ہؤا۔