شہید لاریجانی کی شہادت سے ہمارا عزم اور ارادہ زیادہ مستحکم ہوگا:آیت اللہ سید حسن خمینی
امام خمینی پورٹل کی رپورٹ کے مطابق، اسلامی انقلاب کے بانی حضرت امام خمینی کے پوتے آیت اللہ سید حسین خمینی نے شہید ڈاکٹر علی لاریجانی کی شہادت کے معوقع پرایک تعزیتی پیغام جاری کرتے ہوئے کہا کہ میرے عزیز بھائی، نامور دانشور اور ممتاز سیاستدان ڈاکٹر علی لاریجانی کی شہادت بلاشبہ اگرچہ ایران کے عوام اور اسلامی نظام کے لیے ایک بڑا نقصان ہے، لیکن یہ اس مجاہد عزیز کی برسوں کی مخلصانہ خدمت اور جدوجہد کا اجر بھی ہے۔ جو لوگ اس عظیم شخصیت کو جانتے تھے، وہ ان کی سمجھ بوجھ، دور اندیشی، تدبر اور بلند فکری کی تعریف کرتے تھے، اور انہیں قوم اور نظام کے لیے ایک مضبوط ستون اور قابلِ اعتماد سہارا سمجھتے تھے۔
پارلیمنٹ کی صدارت اور قومی سلامتی کونسل کے مختلف ادوار میں ان کی مخلصانہ خدمات ہمیشہ قومی یادداشت میں زندہ رہیں گی۔ لاریجانی عزیز کی جدائی اگرچہ ہمارے شہید قائد کے بعد سب کو غمزدہ کر گئی، لیکن اس سے ہمارے عزم میں مزید اضافہ ہوگا کہ ہم آخری کامیابی تک پہنچیں۔ میں اس مجاہد عزیز، ان کے نیک فرزند اور ان کے شہید ساتھیوں کی شہادت پر ان کی معزز اہلیہ، اولاد اور معزز بھائیوں، خصوصاً حضرت آیت اللہ صادق لاریجانی، اور ان کے تمام چاہنے والوں سے تعزیت کرتا ہوں۔ اور اللہ تعالیٰ سے اس عظیم شہید، ان کے والد بزرگوار آیت اللہ العظمیٰ آملی، اور ان کی اہلیہ کے والد استاد شہید آیت اللہ مطہری (رحمت اللہ علیہم) کے درجات کی بلندی، اور حق کے محاذ کے لیے آخری فتح کی دعا کرتا ہوں۔