خال ِلب کا ترے ہمدم! میں گرفتار ہوا
چشم ِ بیمار جو دیکھی ترا بیمار ہوا
خود سے بیخود ہوا اور سازِ انا الحق چھیڑا
مثل ِمنصور خریدار سرِ دار ہوا
غم ِجانان نے کی دل میں وہ شرر افشانی
اسقدر تڑپا کہ چرچا سر ِ بازار ہوا
روز و شب کھول رکھو مجھ پر درِ مئے خانہ!
مسجد و مدرسہ دونوں سے میں بیزار ہوا
چامۂ زہد و ریا تن سے اتارا میں نے
کھو کے دنیائے خرابات میں ہشیار ہوا
مجھ پہ دل کھول کے ناصح ِ نے مصائب توڑے
آخرش رندِ بلا نوش مددگار ہوا
مجھے بت خانے کی کچھ یاد تو کرلینے دو
من بہ اعجاز بتاں خواب سے بیدار ہوا
ہندوستان سے محمد ظفر الحسینی