امام (رح ) کی یاد میں

امام (رح ) کی یاد میں

چشمِ عالم میں ہے اشکوں کی روانی دوستو // اسکو کہتے ہیں دلوں پر حکمرانی دوستو

ID:   40941   30/08/2015

امام ؒ کی یاد میں

 ملّتِ اسلامیہ کا راہبر رخصت ہوا

 اِک جلیل القدر مرد حق نگر رخصت ہوا

 حق مآب و حق پرست و حق سرشت و حق شعار

بُت شکن، طاغوت کُش، شیطان کوب، باطل شکار

 غیرتِ ایماں کو ذہنوں میں اُجاگر کردیا

 دل ہر اک نور ہدایت سے منّور کردیا

 تیرا فیضانِ قیادت ہے یہ ، اے مرد جری

 سیسے میں ڈھالی ہوئی دیوار ہے ملّت تیری

خرمنِ سرمایہ پر برقِ تپاں تھی تیری ذات

 مردہ ذرّوں کے لیے تھی آبِ حیواں تیری ذات

 یاد تیری دل سے ہرگز محو ہوسکتی نہیں

 قوم کو ایسا جگایا ہے کہ سو سکتی نہیں

 آیت اللہ خمینی تیری عظمت کو سلام

 نجمِ چرخِ سرفروشی تیری رفعت کو سلام

ملتِ ایران، تیر ے مردِغازی کو سلام

 دین کو زندہ کیا ایسے نمازی کو سلام

 آسمانِ رُشد کے ماہ مُبین تجھ پر سلام

 داعئ حق ، حاملِ حبل المتین تجھ پر سلام

 چشمِ عالم میں ہے اشکوں کی روانی دوستو

 اسکو کہتے ہیں دلوں پر حکمرانی دوستو

 

مذکور حسین (پاکستان)

ای میل کریں
پرنٹ کریں

شعرا کے اشعار

ARCHIVE

مقبول خبریں

ARCHIVE

ٹیگز