خمینی حق و صداقت کا اِک نشانِ عظیم / جہاں میں مہر و محبت کا نعمہ خوانِ عظیم
خدا نے تھا دلِ زندہ عطا کیا تجھ کو / اِک آشنائے حقیقت بنا دیا تجھ کو
زمینِ لُطف میں بوئے ہیں تُو نے وہ دانے / لیا ہے درسِ وفا جن سے ایک دنیا نے
متاعِ عشقِ پیمبر عطا ہوئی تجھ کو / ملی تھی نورِ حقیقت کی روشنی تجھ کو
مدام شرعِ پیمبر پہ تھے قدم تیرے / اسی لئے تھے ہوئے دُور رنج و غم تیرے
لبوں پہ ذکر درود و صلوة تھا ہر دم / یہ نغمہ مرکزِ سازِ حیات ہر دم
مثال آئینہ شفاف تھی حیات تری / تھی اتباعِ پیمبر ہر ایک بات تری
ترا یہ دردِ محبت جو عام ہوجائے / جہاں کُفر و ضلالت کی شام ہوجائے