ارنا- میجر جنرل امیر حاتمی نے کہا ہے کہ ایران کی مبعوث شدہ عوام 168 راتوں سے سڑکوں پر آرہی ہے اور اس کے اثرات کو ہم بخوبی دیکھ رہے ہیں۔
انہوں نے کہا کہ عوام نے دشمنوں کی سازشوں کو اچھی طرح سے سمجھ لیا ہے اور ملک کے ذرائع ابلاغ نے اس کی تشریح کرنے میں بخوبی اپنا کردار نبھایا۔
فوج کے سربراہ نے امریکی صدر کی حالیہ یاوہ بافی کا ذکر کرتے ہوئے کہا کہ:" جرائم پیشہ امریکی صدر کا کہنا ہے کہ آبنائے ہرمز کو اپنے مجرم ملک کا حصہ بننے کا اعلان کرنا چاہتے ہیں، لیکن انہیں جان لینا چاہیے کہ یہ بات ان کی اوقات سے بڑھ کر ہے!
میجر جنرل حاتمی نے امریکی صدر کے اس بیہودہ بیان اور بعد میں اسے مذاق قرار دیے جانے پر ردعمل ظاہر کرتے ہوئے کہا کہ امریکی صدر کی یہ جرات کہ ایسا مذاق کرنے کی ہمت کرے؟!
انہوں نے خبردار کیا کہ یہ ایران ہے اور اس کے ایسے محافظ ہیں جو تمھاری ہڈیاں توڑ ڈالیں گے!
اسلامی جمہوریہ ایران کی فوج کے سربراہ نے امریکی صدر کو ایک ناکام اور شکست خوردہ شخص قرار دیا جو وہم میں مبتلا ہے اور خود کا کامیاب دکھانا چاہتا ہے۔
میجر جنرل امیر حاتمی نے کہا کہ دنیا میں گنے چنے لوگ ہی ٹرمپ کو سنجیدہ لیتے ہیں۔
انہوں نے کہا کہ:" جو شخص خوف کے مارے کھانا لے جانے والی ٹرک میں چھپتا ہے اور کابینہ کے باقی ارکان اور صحافیوں کو ایسے ہوائی جہاز میں چھوڑ دیتا ہے جو بقول امریکی خفیہ اداروں کے اس پر حملے کا خطرہ تھا، تو ایسے شخص کو ناکام ہی کہا جاتا ہے۔"
میجر جنرل امیر حاتمی نے ابراہام لنکن طیارہ بردار جہاز اور اس میں موجود فوجیوں کی ابتر صورتحال کا ذکر کرتے ہوئے کہا کہ جنگ کے دوران اسلامی جمہوریہ ایران کی مسلح افواج نے کم سے کم ایک بار کامیابی کے ساتھ مذکورہ طیارہ بردار جہاز کو نشانہ بنایا تھا جس کے بعد مدتوں تک کوئی جیٹ فائٹر اس سے پرواز نہیں کرسکا۔
انہوں نے زور دیکر کہا کہ امریکی اس حقیقت کو چھپائیں گے لیکن اب یہ جہاز ناکام ہوکر واپس جا رہا ہے۔
میجر جنرل امیر حاتمی نے اعلان کیا کہ اب خطے میں کوئی بھی امریکی اڈہ ماضی کی صورتحال کی جانب پلٹ نہیں سکتا اور ایران اس بات کی ہرگز اجازت نہیں دے گا کہ ایسا کوئی مرکز ہماری سرزمین کے قریب تعمیر کیا جائے جس کا ہدف ہمارے اسلامی ملک کو خطرے میں ڈالنا ہو۔
انہوں نے زور دیکر کہا کہ امریکیوں کے سامنے خطے سے نکل جانے کے علاوہ کوئی دوسرا راستہ نہیں بچا ہے۔
اسلامی جمہوریہ ایران کی فوج کے سربراہ نے دو ٹوک الفاظ میں کہا کہ خطے سے امریکہ کے اخراج کو عملی جامہ پہنا دیا ہے اور اب انہیں نہ خلیج فارس، نہ بحیرہ عمان نہ ہی آبنائے ہرمز میں واپس آنے کی اجازت دی جائے گی۔
انہوں نے دو ٹوک الفاظ میں کہا کہ: "ہم جنگ جیت چکے ہیں اور اب اس جیت کو مستحکم کر رہے ہیں۔"
میجر جنرل حاتمی نے اردن سمیت خطے میں واقع امریکی دشمن کے اڈوں پر آخری میزائلی اور ڈرون حملوں کا ذکر کرتے ہوئے اسے ایک واضح پیغام کا حامل قرار دیا۔
فوج کے سربراہ نے کہا کہ پہلا پیغام یہ تھا کہ دشمنوں تک ہماری پوری رسائی ہے اور ہماری ترکیبیں ہمارا ہاتھ اور بھی کھول سکتی ہیں۔
دوسرا پیغام یہ تھا کہ اسلامی جمہوری ایران اپنی فنی اور ٹیکٹک پر مبنی صلاحیتوں کی بنیاد پر کسی بھی ايئرڈیفنس سسٹم کو مات دے سکتا ہے جس کا مشاہدہ صیہونی حکومت نے بخوبی کرلیا کہ کس طرح سے ایران کے میزائل اور ڈرون ان کے فضائی دفاعی سسٹم کی کئی تہوں سے کامیابی کے ساتھ گزر رہے تھے۔
میجر جنرل امیر حاتمی نے خبردار کیا کہ اگر دشمنوں نے اپنی حماقت دوہرانے کی غلطی کی تو ایران کے لگاتار اور زوردار طمانچے ہوں گے اور دشمنوں کا منہ۔
اس موقع پر فوج کے کمانڈر ان چیف نے امریکی جارح فوج کے خلاف تنبیہی کارروائی کے لیے نئے منصوبے کے مسودے کی تیاری کا اعلان کیا جس کے تحت جو شخص ایک جارح امریکی فوجی کو ہلاک یا اسے گرفتار کرکے ہمارے حوالے کرے گا، اسلامی جمہوریہ ایران کی فوج ہر امریکی فوجی کے بدلے اسے 30 ہزار ڈالر کے انعام سے نوازے گی اور اگر ایران کی شجاع خواتین نے کسی بھی امریکی فوجی کو گرفتار کیا یہ انعام دوگنا کردیا جائے گا۔
انہوں نے کہا کہ اس منصوبے کے تحت جو کوئی اپنے ہتھیار سے ایک امریکی فوجی کو ہلاک کرے گا اس کے ہتھیار کو ایران کی فوج دو گنا قیمت میں خرید کر اسے نیا ہتھیار پیش کرے گی اور اس شخص کا ہتھیار ایک خصوصی میوزیم میں رکھا جائے گا۔
اسلامی جمہوریہ ایران کی فوج کے سربراہ نے دوٹوک الفاظ میں امریکہ کو مخاطب کرکے کہا کہ:" یہ جان لو کہ اس سرزمین کا نام ایران ہے اور اگر غلطی کی، تو تمھیں پوری تاریخ کے لیے عبرت کا نمونہ بنا دیں گے!"