نوروز کے موقع پرحجۃ الاسلام والمسلمین ڈاکٹر علی کمساری کا پیغام

موسسہ تنظیم و نشر آثار امام خمینی کے سربارہ حجۃ الاسلام والمسلمین ڈاکٹر علی کمساری نے عید نوروز کی مناسبت سے ایرانی قوم کے نام ایک پیغام جاری کیا ہے جس کا متن:

بسم اللہ الرحمن الرحیم
و لنبلونکم بشی ء من الخوف و الجوع و نقص من الاموال و الانفس و الثمرات و بشر الصابرین الذین اذا اصابتهم مصیبه قالوا انا لله و انا الیه راجعون
اس سال میں آپ اپنے عزیز ساتھیوں کے نام چوتھا نوروزی پیغام ایسے حالات میں لکھ رہا ہوں کہ میرا دل لکھنے کو نہیں چاہتا، اور قلم بھی میرے دل کی طرح بے قابو ہو رہا ہے۔ حافظ کے بقول:
شعر تر انگیزد خاطر که حزین باشد یک نکته از این معنی گفتیم و همین باشد
ہمارا دل غمگین ہے اور ہمارا سینہ زخمی ہے، کیونکہ سال کے آخری دنوں میں ہمارے پیارے وطن ایران کو ظالم اور درندہ صفت دشمنوں نے نشانہ بنایا ہے، اور ہزاروں ہم وطن، بچے سے کر بوڑھوں تک اپنی ہی خون میں نہا چکے ہیں، ہم نے ایک عظیم قربانی پیش کی ہے، اور اپنے عزیز رہبر کو خدا کی راہ میں قربان کر دیا ہے۔

وہ رہبر جنہوں نے امام خمینیؒ کے وصال کے بعد تین دہائیوں سے زیادہ عرصے تک اس انقلاب کا پرچم بہادری اور امانت کے ساتھ اٹھائے رکھا، اور بزدل اور بے اثر دعویداروں کے برعکس، امام کے اصولوں پر اپنی جان تک قربان کرنے کے لیے ڈٹے رہے۔ اور یہ دردناک سلسلہ اب بھی جاری ہے، کیونکہ اعلیٰ فوجی اور سرکاری عہدیدار بھی شہید ہو رہے ہیں۔
تا شدم حلقه به گوش درِ میخانه ی عشقهر دم از نو ،غمی آید به مبارک بادم
لیکن صرف اس غم کو نہیں لکھا جائے گا بلکہ ان تمام دکھوں اور زخموں کے پیچھے ایک ایسی داستان لکھی جائے گی جو اس سرزمین کی تاریخ میں فردوسی کی شاہنامہ سے بھی زیادہ حقیقی اور حماسی ہوگی۔ اسلام کے لشکروں کے میزائلوں کی گونج نے امریکہ اور اسرائیل کی کھوکھلی طاقت کو اس طرح رسوا کیا ہے کہ ان کے کمزور ساتھیوں کے کان بھی اس کی آواز سے بہرے ہو گئے ہیں۔

اب ان حالات کے پیش نظر، میں ایران کے تمام باوقار اور سربلند عوام، خاص طور پر آپ عزیز ساتھیوں اور آپ کے خاندانوں کے لیے ایک کامیاب اور خوشحال سال کی دعا کرتا ہوں۔ میں گزشتہ سال میں آپ سب کی محنتوں پر دل سے شکریہ ادا کرتا ہوں، اور امید کرتا ہوں کہ اس مسلط کردہ جنگ کے خاتمے کے بعد ہم فتح کا مزہ چکھیں گے اور ایک کامیاب سال کا آغاز اکٹھے کریں گے۔

آخر میں، میں اللہ تعالیٰ سے دعا کرتا ہوں کہ عقل اور محبت کے لشکر، جہالت اور نفرت کے لشکروں پر غالب آئیں۔ اور میں رہبرِ انقلاب کے لیے کامیابی اور عزت کے ساتھ لمبی عمر، اور امام خمینیؒ کے معزز جانشین کے لیے عزت اور صحت کی دعا کرتا ہوں، جنہوں نے اپنے دانا پیغامات سے ان دنوں میں امام خمینیؒ کی یاد کو زندہ کر دیا ہے۔