حکیم نے کہا کہ ایران نے صیہونی حکومت کے حملے کے صدمے سے تیزی سے نکل کر اس کے دفاعی نظام کو کاری ضرب لگائی اور اسے ایرانی میزائلوں کی طاقت سے حیران کر دیا۔ انہوں نے کہا کہ اب جب وہ اس میدان میں شکست کھا چکے ہیں تو ایران میں بدامنی پھیلانے کی کوشش کر رہے ہیں۔
حجت الاسلام والمسلمین سید عمار حکیم، رہبرِ جریانِ حکمت ملی عراق، جمعہ 14 شهریور 1404 کی شام حرمِ مطہر حضرت امام خمینیؒ میں حاضر ہوئے اور بانیٔ جمہوری اسلامی ایران کو خراجِ عقیدت پیش کیا۔
اس ملاقات میں عمار حکیم نے حالیہ 12 روزہ جنگ میں شیعہ اور سنی تمام مسلمانوں کی ایران کے ساتھ ہمدردی اور یکجہتی کا ذکر کرتے ہوئے کہا کہ مسلمان، صیہونی حکومت سے نفرت کی وجہ سے، اس ملک کی حمایت کرتے ہیں جو اپنے دفاع میں اسرائیل سے لڑتا ہے۔
انہوں نے مزید کہا کہ حالیہ جنگ نے ایران میں اتحاد پیدا کیا اور عالمِ اسلام میں جمہوری اسلامی پر لگایا جانے والا پرانا فرقہ واریت کا الزام ختم کر دیا۔
حکیم نے کہا کہ ایران نے صیہونی حکومت کے حملے کے صدمے سے تیزی سے نکل کر اس کے دفاعی نظام کو کاری ضرب لگائی اور اسے ایرانی میزائلوں کی طاقت سے حیران کر دیا۔ انہوں نے کہا کہ اب جب وہ اس میدان میں شکست کھا چکے ہیں تو ایران میں بدامنی پھیلانے کی کوشش کر رہے ہیں۔
عراق کے جریانِ حکمت ملی کے رہبر نے آخر میں ایران کو عالمِ اسلام کی صفِ اوّل کا مورچہ قرار دیتے ہوئے کہا کہ آج خطے کے ممالک یہ محسوس کر رہے ہیں کہ اگر ایران کو صیہونی حکومت کے ساتھ جنگ میں کمزور کیا گیا تو پورا خطہ نقصان اٹھائے گا۔