عشرہ اولی میں امام خمینی کا طرز عمل

آیت اللہ حسین مظاہری، جو کہ علمائے اخلاق میں شمار ہوتے ہیں، نے اپنی یادداشتوں میں امام خمینی (رح) کے نجف اشرف میں قیام کے سالوں کا ذکر کیا ہے اور اہل بیت علیہم السلام کے ساتھ امام کی گہری عقیدت کو بیان کیا ہے۔ انہوں نے امام خمینی (رح) کے زیارت عاشورا پڑھنے کے طریقے کو کچھ یوں بیان کیا ہے:

امام خمینی (رح) جب پندرہ سال نجف اشرف میں مقیم رہے، تو روزانہ مغرب کے تین گھنٹے بعد حرمِ مطہر حضرت علی علیہ السلام میں حاضری دیتے اور زیارتِ جامعہ اور زیارتِ امین اللہ پڑھتے۔ سوائے ان چند مواقع کے جب امام بیمار ہوتے یا حکومتِ وقت نے کرفیو لگا رکھا ہوتا، وہ کبھی اس عمل کو ترک نہ کرتے۔

حاج آقا مصطفی خمینی سے منقول ہے کہ ایک رات شدید طوفان تھا اور گھر سے باہر نکلنا نہایت مشکل تھا۔ میں نے امام سے عرض کیا کہ حضرت علیؑ دور و نزدیک میں فرق نہیں رکھتے، آپ آج رات زیارتِ جامعہ گھر پر ہی پڑھ لیں۔ امام نے جواب دیا: "مصطفی! میری التجا ہے کہ ہماری عوامی روحانیت کو ہم سے مت چھینو۔"

امام زیادہ تر زیارتی مواقع پر کربلا جایا کرتے اور امام حسین علیہ السلام کی زیارت کرتے۔ محرم کے پہلے عشرے میں وہ روزانہ زیارت عاشورائے معروفہ مکمل سو مرتبہ سلام اور سو مرتبہ لعن کے ساتھ پڑھا کرتے۔