واجبات طواف کتنے ہیں؟

سوال: واجبات طواف کتنے ہیں؟

جواب: واجبات طواف کی دو قسمیں  ہیں: 

پہلی قسم، اس کی شرائط کے بارے میں  ہے، یہ چند چیز ہیں : 

اول :  نیت

دوم :  حدث اکبر اور اصغر سے پاک ہونا

سوم :  بدن اور لباس کا پاک ہونا

چہارم :  ختنہ شدہ ہونا

پنجم :  شرمگاہ کا چھپانا

ششم :  طواف کے چکر وں  کے درمیان بنا بر احوط عرفاً موالات ہونا چاہئے

دوسری قسم: وہ امور ہیں  جنہیں  طواف حقیقت طواف کاجزء قرار دیاگیا ہے لیکن ان میں  سے بعض چیزیں  (طواف کے لئے) شرط کے طور پر ہی ہیں  اوریہ مسئلہ آسان ہے ۔ یہ چند چیزیں  ہیں:

اول: حجر اسود سے طواف کا آغاز کرنا

دوم: (طواف کے ہرچکر کو) حجر اسود پر ختم اورہر چکر میں یہ واجب ہے کہ جہاں  سے شروع کیا ہو وہیں  پر ختم کرے

سوم :  بائیں  طرف طواف کرنا

چہارم :  طواف میں  حجر اسماعیل کوداخل کرنا

پنجم :  طواف خانہ کعبہ اور مقام ابراہیم (ع) کے درمیان کیا جائے

ششم :  خانہ کعبہ کی دیوار اور اس کی بنیاد سے باہر ہونا

ہفتم :  اس کا طواف سات چکر وں  پر مشتمل ہو۔

تحریر الوسیلہ، ج 2، ص 135