آتش عشق

کس کا دل شیفتہ زلف چلیپا نہ ہوا

کس نے دیکھا ترا رخ اور ترا شیدا نہ ہوا

ناز کر ناز کہ ہر دل ترا زندانی ہے

غمزہ کر غمزہ کہ دلبر کوئی تجھ سا نہ ہوا

توڑدے جلوؤں  سے خوباں زمانہ کا غرور

رخ دکھا، کہنا، ہے پھر کون جو رسوا نہ ہوا

آتش غم کو ہوادے ، غم دل افزوں  کر

دل کوراحت نے ملے گی جو غم افزا نہ ہوا

دل میں  وہ آگ لگا دے کہ ملے دل کوقرار

یوں  تو کب عشق کی اس آگ میں  جلنا نہ ہوا

کون ذرہ نہ بنا فیض سے تیرے صحرا

کون قطرہ نگہہ لطف سے دریا نہ ہوا

جاں  ترے کوچہ میں  اے دوست ہوئی سربرخاک

دل وہ کیا جو کہ فدائے رخ زیبا نہ ہوا