ہوائے وصال
دیوان امام خمینی(رح)
مضمر بہ تاب گیسوئے دلبر ترانہ ہے
دل بندہ فدائی ہر شاخ شانہ ہے
ہے دل کو شوق دید ترے روئے ماہ کا
مسجد میں یا کنیسہ میں جانا بہانہ ہے
ہے زلف تیری دام پے صید عارفاں
ہستی رمیدگاں کے لیے خال دانہ ہے
اے شمس تابناک! ترے وصل کے لیے
اک سیل اشک جانب دریا روانہ ہے
عہد شباب ختم ہوا کوئے یار میں
اب کیا کرے کوئی کہ یہ جور زمانہ ہے
موجیں ہیں حسن دوست کی دریائے بے کراں
دل مست تشنہ کام کا محو کرانہ ہے
میخانہ شوق وصل میں اس کے طرف کناں
مطرب بہ رقص و شادی و چنگ و چغانہ ہے