تیرے چہرے پہ اک تازگی ضوفشاں / تیری آنکھوں میں اک روشنی جاوداں
تیری آواز میں شعلگی تھی جواں / اے امامِ محبت امامِ وفا
تو محبت، اخوت کا پیغام ہے / تو سیاست، فراست کا اک نام ہے
حرفِ آغاز کاحسنِ انجام ہے / اے امامِ محبت امامِ وفا
تیرے قدموں میں بکھری ہوئی کہکشاں / تیرے کردار کی عظمتیں بے کراں
تیرے افکار سے زندگی تھی عیاں / اے امامِ محبت امامِ وفا
موج طوفاں میں اک کنارا ہے تو / منزلوں کا نشاں ہی ستارہ هے تو
عزم و ہمت کا اک استعارہ ہی تو / اے امامِ محبت امامِ وفا
دل کو تو عزم تعمیر دے کر گیا / میرے خوابوں کو تعبیر دے کر گیا
اپنی مٹی کو اکسیر دے کر گیا / اے امامِ محبت امامِ وفا